اقوى اماكن كورسات اللغه الانجليزيه واسعارها (English Language)

الناس بتسأل دايما عن افضل واقوى الاماكن اللى ينفع ياخدوا فيها كورسات ف البوست هتلاقوا اجاباتك عن حاجات كتير كنتم بتسألوا عنها

اولا كورسات اللغات

1- اللغه الانجليزيه (English Language)

فى اماكن وسنترز كتير بتدى كورسات انجلش خلينا نختار الافضل منهم وخلينا برضو نقول ميزه وعيب كل واحد فيهم
أ- المجلس الثقافى البريطانى (British Council)
اولا:- (general English) عندهم 25 مستوى من البدايه للإحتراف سعر المستوى 1430 جنيه وسعر تحديد المستوى 90 جنيه (عدد ساعات المستوى الواحد = 36 ساعه / 8 اسابيع)
ثانيا :- (Conversations ) عندهم 16 مستوى سعر المستوى 880 جنيه غير شامل سعر الماتريل وسعر تحديد المستوى 90 جنيه (عدد ساعات المستوى الواحد = 16.5 ساعه) بس علشان توصل للمستوى الاول ف المحادثات لازم فى امتحان تحديد المستوى ع الاقل تكون عديت المستوى السادس جنرل
عايز تحجز لتحديد المستوى بتاعك من خلال الرابط ده
http://www.britishcouncil.org.eg/.../book-placement-test
ثالثا :- (IELTS)
وده الاختبار الوحيد اللى لايمكن تلاقيه غير فى المجلس الثقافى البريطانى (لأنه اختبار بريطانى صرف) سواء كان دوره تحضيريه هتاخدها فيه قبل الاختبار او الاختبار نفسه
ده اختبار بريطانى شبيه للتوفل حتى ف الاقسام بتاعته مع اختلاف الاوقات بس بمعنى ان قسم Reading ف الايلتس 40 دقيقه اما التوفل IBT ف ده زمنه 50 دقيقه
اما الاختلاف الاكبر هو ف جزء الــ SPEAKING ففى الايلتس حضرتك ممكن تأجل الجزء ده ليوم تانى او تمتحنه ف نفس اليوم اما التوفل فهو 4 ساعات شامله البريك ف المنتصف بس مينفعش تأجل اى قسم من الاربعه او ترحله ليوم تانى
نتيجه الايلتس بتبقا بعد اسبوعين
الايلتس مطلوب بكثره ف انجلترا وكندا اما اى دول اخرى ف بتطلب التوفل علشان كدا هو اللى اكثر انتشارا
عندهم نظامين للدورات التحضيريه واحد مكثف والتانى عادى
دوره تدريبيه لمدة 36 ساعه بتكلفه 1760 جنيه وهى متوفره بجميع الفروع.
دوره تدريبيه لمدة 18 ساعه بتكلفه 900 جنيه ومتوفره بفرع مصر الجديده فقط.
بس لازم قبل ما تلتحق بالدوره التحضيريه دى تعمل امتحان تحديد مستوى ب 90 جنيه وتوصل للمستوى Intermediate 3 او اعلى
معلومات اكتر عن الدورات التأهيليه للإيلتس هتلاقوها على اللينك ده
http://www.britishcouncil.org.eg/.../ielts-preparation
بالنسبه للناس اللى عايزه تمتحن علطول بدون دورات تأهيليه تكلفه الاختبار 1090 جنيه
وتقدروا تحجزوا من خلال الرابط ده
http://www.britishcouncil.org.eg/en/exam/ielts
عناوينهم فروعهم وارقامهم هتلاقوها من خلال الرابط ده
http://www.britishcouncil.org.eg/about/contact
رابعا:- انجليزى الاعمال (Business English)
عباره عن 8 مستويات سعر المستوى 880 جنيه
تقدروا برضو تتابعوهم اكتر واكتر من خلال البيج بتاعتهم ع الفيس من خلال الرابط ده
https://www.facebook.com/BritishCouncilEgypt
عناوين فروعهم من خلال الرابط ده
http://www.britishcouncil.org.eg/about/contact
رقمهم
02-19789

ب- الإمديست (AMIDEAST) وده انا بعتبره ف نفس مكانه المجلس الثقافى البريطانى برضو
اولا:- (general English) كان عندهم 12 مستوى ومع بدايه ابريل حدثوهم وبقا عندهم 16 مستوى من البدايه للإحتراف سعر المستوى 980 جنيه غير شامل الماتريل ودى سعرها ثابت لأى مستوى 210 جنيه وسعر تحديد المستوى 100 جنيه (عدد ساعات المستوى الواحد = 36 ساعه)
ثانيا :- (Conversations ) عندهم 4 مستويات فقط سعر المستوى 980 جنيه غير شامل سعر الماتريل (210 جنيه) وسعر تحديد المستوى 100 جنيه (عدد ساعات المستوى الواحد = 16.5 ساعه) بس علشان توصل للمستوى الاول ف المحادثه لازم فى امتحان تحديد المستوى ع الاقل تكون عديت المستوى التاسع جنرل
معلومات اكتر عن عناوينهم واسعارهم وارقام تليفوناتهم هتلاقوها من خلال الرابط ده
http://www.amideast.org/egypt/english/english-language-training
ثالثا :- اختبار (TOEIC) وده اختبار مصغر من التوفل وده استحاله تلاقيه برضو غير فى الإمديست بس فى منه انواع كتير (Listening & Reading Test _ Listening Test _ Speaking Test)
ده سعره مش ثابت بصراحه لأن كل شويا بينزلوا اوفر عليه هو سعره الملعن عنه كان 1210جنيه وشويا وبقا 520 جنيه ووصل لـ 100 جنيه طوال شهر ديسمبر اللى فات تابعوهم على البيج بتاعتهم على الفيس وانتوا هتعرفوا اكتر من خلال الرابط ده
https://www.facebook.com/AMIDEAST.EGYPT
رابعا:- التوفل (وده زى التويك استحاله انك تلاقى غير فى الامديست (لأنه امتحان امريكى) امتحاناته الدوليه زى IBT_ PBT) حتى التوفل المحلى ياريت لو هتاخد شهاده بيه تكون من هناك برضو
نكلم شويه عن انواعه واسعاره نظرا لأهميته فعلا
internet based test IBT والنوع ده الشائع دلوقتى وده من 120 معظم الجامعات بتطلب more than 80 points خصوصا عند الدراسه بالخارج
Paper based Test PBT والنوع ده من 990 نقطه زيه زى TOEIC TEST بالظبط
Local Test والنوع ده المعترف بيه من قبل الجهات المحليه وبعض جامعات مصر اثناء التمهيدى او الماجيستير والدكتوراه
ملحوظه بس صغيره:- كل الناس بتمتحن فى اماكن غير مؤهله للإختبارات زى مثلا كليه الاداب بجامعه القاهره او الجامعه الامريكيه المكان الوحيد المعتمد فى الموضوع ده هو الامديست وده مقره الرئيسىصلاحيه الشهاده لمده سنتين ودى الصلاحيه الغالبه على معظم شهادات الامديست عدا الجنرل والمحادثات صلاحيته 6 شهور لو حضرتك حابب تدرس توفل هناك هما مقسمينه لمستويين سعر المستوى الاول 1550 جنيه وسعر المستوى الثانى 1450جنيه ولكن لازم تعمل قبلهم اختبار تحديد المستوى وده قيمته 100 جنيه وتعدى المستوى التاسع جنرل علشان تقدر تلتحق بأى مستوى فيهم
رسوم الاختبارات الدوليه المعترف بها بالخارج 1760 جنيه للإختبار و600 جنيه للإختبار المحلى
عند حجزك للإمتحان ان شاء الله بتجيب معاك الباسبور والبطاقه الشخصيه وصوره بطاقه.
نتيجته بتظهر فى فتره تتراوح ما بين 3 ل 4 اسابيع
‫#‏ملحوظه_صغيره‬
الامديست فيه كل الاختبارات الدوليه زى PMP & CMA علشان هو المكان الوحيد فى مصر اللى هتلاقيه فيه موقع البرومترك واللى بيبقا امتحانك الدولى من خلاله
زمان كان اللى بيحب يمتحن فى زماله زى CMA او اى شهاده دوليه كان لازم يسافر دبى او قطر علشان يمتحن نظرا لعدم وجود الموقع ده ف مصر قبل كدا
عناوين فروعهم للتواصل معاهم من خلال الرابط ده
http://www.amideast.org/egypt/contact-us
كمان هتلاقوا فيه كورسات تانى بخلاف الانجلش زى PMP & GMAT & GRE & SAT … etc.

ج- معهد القوات المسلحه للغات
اولا:- (general English) كان عندهم 12 مستوى من البدايه للإحتراف سعر المستوى 330 جنيه غير شامل الماتريل ودى سعرها ثابت لأى مستوى 50 جنيه وسعر تحديد المستوى 20 جنيه
ثانيا :- (Conversations ) عندهم مستوى سعر المستوى 330 جنيه غير شامل سعر الماتريل (50جنيه) وسعر تحديد المستوى 20 جنيه بس علشان توصل للمستوى الاول ف المحادثه لازم فى امتحان تحديد المستوى ع الاقل تكون عديت المستوى الثامن جنرل
الاستعلامات 22629831 / 24052537
عناوينهم بالقاهره والجيزه
المقر الرئيسى (كوبرى القبه وده بيكون فيه حجز كل اللغات) وده عنوانه شارع الفنجرى _ امام مستشفى كوبرى القبه بجوار الكليه الفنيه العسكريه
ارقامهم 02-22629830/ 02-24044996
الفرع الثانى بالدقى وعنوانه 3 شارع نوال بالدقى
كمان ليهم فروع فى محافظات تانى كتير كلمهم واسألهم وشوف لو محافظتك منهم لو قررت تبتدأ معاهم كورسك
تقدروا برضو تتابعوهم من خلال الروابط دى ع الفيس (بس للأمانه معرفش إذا كانت الصفحات دى تابعه للمعهد مباشره ولا لأ بس اسأل فيها عن اى حاجه تخص المعهد هتلاقى ناس كتير كويسه بتجاوبك )
https://www.facebook.com/groups/48981638219/

https://www.facebook.com/pages/معهد-القوات-المسلحه-للغات/117906754977878

د- مدرسه نوت كورسيز (Notcourses)
ودى حقيقى من افضل الاماكن اللى ممكن تدرس فيها انجلش بس للأسف مفيش شهاده معتمده منها سعر الليفل فيها 600 جنيه كاش لأى مستوى عدد المستويات الجنرل 16 مستوى (عدد ساعات المستوى الواحد 69 ساعه تدريبيه/شهريا) واقل سن للألتحاق بالمدرسه هو 14 سنه
كمان فى نظام Notcourses بالتقسيط بتدفع 10 جنيه فقط فى اليوم بإستمراريه
مدة المستوى شهر...يوميا عباره عن 3 ايام فى الاسبوع بتكون فى المدرسة و3 ايام فى البيت بتعمل فيها الواجبات والتمرينات المطلوبه منك وبتكون مدة المحاضرة 3ساعات
ده اللينك بتاعهم ع الفيس تقدروا تسألوهم وتعرفوا منهم كل اللى انتوا محتاجين تعرفوه
https://www.facebook.com/Notcourses
كمان عاملين حركه جامده اوى علشان تعرف معلومات اكتر منهم تقدروا تدخلوا على السايت بتاعهم ده www.notcourses.com و دوس على زرار Live Support هتلاقي واحد منهم بيتكلم معاك و يرد على أسئلتك فى أي وقت طوال الـــ 24 ساعة
ومواعيد الحضور داخل مدرسة نوت كورسيز فهي اما سبت اتنين أربع أو حد تلات خميس..تقدر تختار أي ميعاد من 9 صباحا ل 12 ظهرا أو من 12 ظهرا ل 3 عصرا....أو من 3 عصرا ل 6 مساء....أو من 6 مساء ل 9 مساء أو من 9 مساء ل 12 مساء
فروعهم كالاتى:-
فرع مدينة نصر السراج مول - مول 3 – بوابة 5 - الدور 11
فرع الدقي 12 شارع هارون عمارة جريدة البورصة الدور الثاني
فرع المعادي 25 هـ/1 شارع النصر خلف كشرى التحرير
فرع اسكندرية سموحة 9شارع الصفا متفرع من شارع ادمون فريمون وفوزي معاذ برج جولدن تاور الدور الاول
ارقامهم

25171636 - 25171637 - 25171638 - 25171639
25171640 - 25171641- 25171642- 25171643

ز- بيرليتز
)Berlitz Egypt(

ادخلوا ع السيت بتاعهم هنا
http://www.berlitz-egypt.com/ar/contact-us
وتعالى عند البيج بتاعتهم من فوق كدا هتلاقوا جمله (أين تقدم برامج بيرلتز مصر) واختاروا الفرع اللى انتوا عايزين تدرسوا فيه هيظهرلكم عناوينهم وارقام كل فرع بتختاروه من خلاله
كمان من خلال السايت هتعرفوا ايه الكورسات المتاحه ف كل فرع وهتبدأ امتى وهتنتهى امتى واسعارهم وكمان تقدر تحجز من خلاله الكورس بتاعك كل ده من خلال الرابط ده
http://www.berlitz-egypt.com/search
ودى البيج بتاعتهم ع الفيس
https://www.facebook.com/BerlitzEgypt

هـ - كونسيبت
)Concept(
ودى للأسف مش عندى معلومات كفايه عنهم بس سعر الليفل الواحد فيها قيمته 100 جنيه والمحاضرين من الامديست والجامعه الامريكيه بس هو مكان كويس والاستفاده فيه كويسه لحد كبير
ده لينك بتاع البيج بتاعتهم هنا ع الفيس اسألوهم واعرفوا منهم اكتر
https://www.facebook.com/ConceptCorp
وده السايت بتاعهم
http://www.concept-egypt.com/

دول احسن الاماكن اللى ممكن تاخد فيها انجلش ف مصر وناس كتير هتقول انى نسيت اماكن تانى مهمه وكبيره ف الاسم زى (الجامعه الامريكيه _ مركز الترجمه واللغات بجامعه عين شمس _ كليه الاداب جامعه القاهره وغيرهم كتير بس حقيقى اللى اتذكروا دول من اهم الاماكن اللى هتستفاد منها مش مجرد ‫#‏شهاده‬ )

اروع الطرق لتحدث الانجليزية مثل الامريكيين في وقت قصير جدا ؟!!!!

بسم الله الرحمن الرحيم
السلام عليكم ورحمة الله وبركاته
مين مننا مش بيتمني يتعلم الانجليزي فلونت ومين جتله فرصة وظيفه ملهاش حل بس اللغه الانجليزية كانت عائق لانهم طالبين انجليزي فلونت او اكسلنت علي الاقل وطبعا معظمنا خد كورسات كتير وبرضه في النهاية بتلاقي نفسك مش بريفكت لا في النطق ولا في السرعه لاننا للاسف يا جماعة ضحية التعليم الحكومي الفاشل اللي كله معتمد علي التكست المكتوب من غير اي ممارسه وكله معتمد علي حفظ الجرامر والتلقين يعني بتكون جايب في الثانوية العامة مثلا 25 من 25 يعني المفروض كده انت ممتاز بس للاسف متعرفش تقول كلمتين علي بعض ولو سمعت حد بيتكلم متعرفش تلقط منه علي 3 او اربع كلمات مع انك جايب الدرجه النهائية وطبعا في الكليه (اقصد الكليات الغير متخخصة) بيكون الانجليزي دا سد خانه وخلاص
المهم يا جماعة انا مش عايز اطول عليكم اكتر من كده انا النهارده جايبلكم طريقه جميله هتخليك تتعلم بسرعه وتحقق نتائخ مذهله باذن الله في وقت قصير جدا بس هي عايزه شوية مصابره وتركيز وكمان جايبلكم كورس يعتبر من احسن الكورسات في العالم في تعليم الناتف انجلش

اولا الطريقه ودي خلاصه مجهود خبراء عالميين سنين كتير







1- لا تحفظ الكلمات(vocabulary) فرديه ولكن تعلمها في جمل

يعني متحفظش كلمه لوحدها لانك اكيد هتنساها لانها ملهاش رابط في عقلك وهيبقي صعب جدا انك تفتكرها ولو افتكرتها مش هتجيلك وانت بتحاول تكون جمل وانا عندي طريقه يا جماعه ملهاش حل هتخليك تحفظ الكلمات ومتنسهاش بسهوله وهي كالتالي :
اولا : كل يوم هتجيب نص انجليزي يعني مثلا خبر من موقع euro news او bbc او اي موقع اجنبي او مثلا جريده انجليزية من اللي بيتباعو عندنا زي اندبندنت مثلا وهتحاول تقرا الخبر ده وتفهمه كويس والكلمه اللي متعرفهاش هتجيبها من جوجل ترانسليت وممكن تترجم النص كله في جوجل ترانسليتhttp://translate.google.com/?hl=en&tab=wT المهم تفهمه كويس وتعرف معاني كل الكلمات اللي فيه وبكده هتبقي عرفت الكلمات الجديده عن طريق التفكير والبحث مش الحفظ وهتكون ثبتت في مخك لانها مرتبطه بموضوع
ثانيا : العكس هتجيب نص عربي وهتحاول تترجمه انجليزي بنفس الطريقه انا عارف يا جماعه الموضوع هيبقي صعب في الاول بس هو عاوز صبر ولازم تكون مستمتع مش واخد الحكاية تحدي واجباري يعني لازم تحب الحاجه اللي بتعملها عشان تقدر تحقق تقدم






2- الاستماع الاستماع الاستماع :
يعني لازم كل يوم تسمع نصوص انجليزي وتحاول تركز وبقدر الامكان تفهم يعني مثلا ممكن تتابع قنوات الاخبار الانجليزيه زي CNN مثلا بس المهم انك تحاول تفهم انا عن نفسي برشح قناة MBC4 خصوصا برامج التوك شو زي برنامج اوبرا لانها برامج امريكيه اصلي وبيكون فيها الانجليزي الي حد ما مفهوم المهم تسمع كل يوم انجليزي






3- اجعل الانجليزي في اعماقك :
كلنا طبعا عارفين انجليزي الي حد ما كويس بس بتيجي عند تكوين الجمله وتلاقي نفسك مش عارف تجيب كلمتين علي بعض وتقعد تفكر عند كل كلمه (اه انا كنت فاكرها )مع انك عارف كل مكونات الجمله وحافظ كل كلماتها بس بتجيبها ببطئ انما لو شوفت نفس الجمله بس بالانجليزي هتلاقي نفسك عارف معناها وتقول امال انا مش عارف اكونها ليه وبتكون المشكله مش انك مش عارف انجليزي او مش عارف كلمات او جرامر
لكن المشكله هي ان مخك متبرمج علي العربي لان اللغة الام في مخك هي العربي بالظبط زي القاموس الانجيزي عربي والعربي انجليزي وانا يا جماعه هقدملكم طريقه عبقرية وهتحس انك بتتحسن كل يوم عن التاني وهي ازاي تخلي مخك انجليزي عربي ببساطه يا جماعة الطريقه هي انك فعلا هتقلب مخك وهتخلي لغة تفكيرك انجليزي طبعا في ناس هتستغرب ازاي يعني ببساطه يا جماعه الطريقه انك هتخلي مخك جاهز يعبر بالانجليزي زي العربي تماما يعني مثلا انت رايح تنام متقلش لنفسك (انا هقوم انام بقه دلوقتي)انما قول ( i am going to sleep right now) او افتكر موضوع معين ونقشه مع نفسك بالانجليزي وهكذا بس تلغي العربي يعني متقعدش تترجم انت هتعتبر نفسك لغتك الاساسية هي الانجليزي ولو ملقتش نفسك عارف معني كلمه او جمله او تعبير ربنا يخليلنا الجوجل ترانسليت والكلمات دي هتثبت في مخك وهتبقي ريدي للاستخدام في اي وقت لان عملت اعداد لمخك انه يكون جاهز يعبر بالانجليزي وهتلاقي نفسك بتفتكر كلمات انجليزي ماستخدمتهاش من اولي اعدادي وحاول تستخدم الماتيريال الحقيقي الاميركي ودا ان شاء الله موجود في الكورس

- اما بالنسبه للنطق ودا برضه مهم جدا لان في كلمات كتير جدا بننطقها غلط انا هديلكم موقع نطق رائع بينطق صح بصوت بشري بينطق نصوص لحد 3 سطور علي بعض هتحط النص هتختار الصوت واحسن صوت واحد mike او كريستين وهتضغط speak وبعدين هو هيعمل دونلود للنص علي جهازك mp3
http://www2.research.att.com/~ttsweb/tts/demo.php









4- اجب علي اسئله بالانجليزي :
والطريقه دي حققت نجاح كبير برضه مع ناس كتيروهي انك تسمع قصه وحد يسالك اسئله بسيطه منها وانت تجاوب متقلقوش لان دا برضه في الكورس
واليكم الكورس وهو اسمه (learn real English conversation) وهو كورس رائع يا جماعه بيتكون من محادثات انجليزية حقيقية مسموعه ومقروءه ومعاها شرح مسموع ومقروء للمعاني الايديومز اللي في المحادثه هو كل درس عباره عن 3 حاجات المحادثه وشرح المحادثه والقصه اللي عليها اسئله باسئلتها البسيطه جدا:







http://www.mediafire.com/?42wlewzgimx
http://www.mediafire.com/?ywzdwjwen0n
http://www.mediafire.com/?z1ldw2tmbml
http://www.mediafire.com/?vrowglymmzz
http://www.mediafire.com/?n0byxdoatlj
http://www.mediafire.com/?ynevgzadgmo
http://www.mediafire.com/?8e2sdvbbek2
http://www.mediafire.com/?2gbjmimkjdm
http://www.mediafire.com/?wdimau4yjjz
http://www.mediafire.com/?vomgvznq0sp